معلومات شاملة عن قسم هندسة الحاسوب في العراق 2020

هي احدى فروع الهندسة الكهربائية وهو الاختصاص الذي يجمع بين الهندسة الالكترونية وعلوم الحاسوب مهندسين الحاسوب همه نفسهم مهندسين الكترونيات اساسا وعدهم معلومات اضافية وتدريب وخبرة في مجال تصميم البرامجيات والمكونات المادية للحاسوب خصوصا في مجال تكاملها يشارك مهندسو الحاسوب في جميع مجالات الحوسبة من تصميم المعالجات المايكروية والحواسيب الشخصية بالاضافة الى تكامل الانظمة الحاسوبية مع انواع اخرى من الانظمة ويمنح المتخرجين شهادة البكالوريوس في قسم هندسة الحاسوب .

ما هو الحد الادنى لقسم هندسة الحاسوب  ؟ 

🔸 الفرع الاحيائي : ٩٣،٩ . 

🔸 الفرع التطبيقي : ٨٥،٤ . 

 تعيينها مركزي ؟ 

🔸 تعيينها غير مركزي بس مرغوب

 ليش مرغوب شلون ؟

 لان التكنولوجيا كاعد تتطور ودوائر تحتاج الى مهندسين حاسوب حتى يكونون مع التطور . 

 بعد الدراسة شنو اكمل دراسة ؟ 

🔸 راح تاخذ البكلوريوس في هندسة الحاسبات عبارة عن ٤ سنوات دراسية بالاضافة الى تدريب صيفي بعد السنة الثالثة حسب نظام الجامعة طبعا وتركز هذه الدرجة ع جميع مواد الحاسبة بشكل متساوي تقريبا حسب مواد الثانوية والاولية ينحسب معدلك 

وتكدر تكمل ماجستير الدراسة سنتين وبعدها تكدر همين تكمل دكتوراه ٤ سنين . 

كيف واين  اعمل بعد التخرج؟

🔸 تعمل بكل دوائر الدولة لان بكل دائرة لابد من وجود مهندس حاسوب يشتغل على الكومبيوتر وطبعا شي اكيد لا تنسون الشركات الاهلية تدور مهندسين الحاسوب المبدعين بمجالهم والعدهم خبرة .

متوفر هندسة حاسوب اهلي في العراق ؟وما هو المعدل المطلوب والقسط ؟ 

🔸 اي نعم اكو اهلي تقبل معدل ٦٨ للفرعين حسب حدود دنيا للعام الماضي اقل قسط 2,500,000  . 

هل يوجد موازي  لقسم هندسة حاسوب في العراق؟ 

🔸 اي نعم ,اقل من قبول المركزي ب ٣ درجات والقسط تقريبا 3,000,000 . 

 كيف اقدر اطور نفسي بالعطلة قبل الدوام ؟ 

🔸 تكدر تدخل دورات تطور بيها نفسك او تشوف ع يوتيوب شروحات تفيدك كولش حاول تستغل العطلة وتطور من معلوماتك لان راح تستفاد منها بالمستقبل هواية . 

ما هو  توزيع الوحدات على  كل مرحلة ؟ 

🔹 المرحلة الاولى : 10% . 

🔹 المرحلة الثانية : 20% . 

🔹 المرحلة الثالثة : 30% . 

🔹 المرحلة الرابعة : 40% . 

 طبيعة دراستها ؟

🔸 تحتاج متابعة وتركيز وفهم وعقل يشتغل دائما دراسة حلوة كولش وممتعة اذا جنت تحب القسم راح تبدع تحتاج تقرا مصادر خارجية تشوف يوتيوب حتى تسيطر ع مواد وتطور نفسك . ( دراستها تدمج بين الهارد وير وسوفت وير )

ما هو  تقسيم درجات كل مادة ؟ 

🔸 نظري وعملي : النظري ٢٥ وعملي ١٥ .

السعي من ٤٠ وفاينل من ٦٠ واكيد تقسيمات تختلف من جامعة الى اخرى . 

هل اقدر ادخل في هذا قسم بجامعات حكومية اذا كان معدلي اقل من حدود دنيا ؟ 

🔸 اذا جنت انت الاول ع مرحلة في مرحلتك الدراسية الاولى تكدر تحول الى هندسة حاسوب من احدى كليات او الاقسام الاتية : 

🔹 كلية علوم الحاسوب والرياضيات ما عدا قسم الرياضيات الطبية . 

🔹 كلية علوم قسم نظم المعلومات الحاسوبية . 

🔹 قسم علوم الحاسوب . 

🔹 قسم علوم الرياضيات والرياضيات التطبيقية . 

 نصيحة : قسم الحاسبات كولش حلو وبالنسبة للدراسة اذا تدرس تنجح والمواد كولش حلوة وطبعا يراد شخص شاطر لان دراستها برمجيات والكترونيات 

 وثانيا يكدر يشتغل باكثر من مجال وكل  شخص يكدر يطور نفسه بنفسه والحاسبة اصلا شي كولش حلو وبس اسمك اختصاص حاسبات كافي .